nāhaq shikāyat-e-ġham-e-duniyā kare koī

nāhaq shikāyat-e-ġham-e-duniyā kare koī

ġham hai baḌī ḳhushī jo gavārā kare koī

rag rag meñ dil kī jazb hai mahshar-e-umīd

andāza-e-hujūm-e-tamanna kare koī

hai un ke āstāñ pe hujūm-e-ġhurūr-o-nāz

gunjā.ish-e-jabīñ ho to sajda kare koī

yūsuf ġhayūr fitrat-e-yūsuf ġhayūr-e-tar

kyā e'tibār-e-ḳhvāb-e-zuleḳhā kare koī

har shaḳhs hai ḳharāb-e-tamannā ba-qadr-e-zauq

'sīmāb' kis se arz-e-tamannā kare koī

nāhaq shikāyat-e-ġham-e-duniyā kare koī

ġham hai baḌī ḳhushī jo gawārā kare koī

rag rag meñ dil kī jazb hai mahshar-e-umīd

andāza-e-hujūm-e-tamanna kare koī

hai un ke āstāñ pe hujūm-e-ġhurūr-o-nāz

gunjāish-e-jabīñ ho to sajda kare koī

yūsuf ġhayūr fitrat-e-yūsuf ġhayūr-e-tar

kyā e'tibār-e-ḳhwāb-e-zuleḳhā kare koī

har shaḳhs hai ḳharāb-e-tamannā ba-qadr-e-zauq

'sīmāb' kis se arz-e-tamannā kare koī