āīna kyuñ na duñ ki tamāshā kaheñ jise

ā.īna kyuuñ na duuñ ki tamāshā kaheñ jise

aisā kahāñ se lā.ūñ ki tujh sā kaheñ jise

hasrat ne lā rakhā tirī bazm-e-ḳhayāl meñ

gul-dasta-e-nigāh suvaidā kaheñ jise

phūñkā hai kis ne gosh-e-mohabbat meñ ai ḳhudā

afsūn-e-intizār tamannā kaheñ jise

sar par hujūm-e-dard-e-ġharībī se Dāliye

vo ek musht-e-ḳhāk ki sahrā kaheñ jise

hai chashm-e-tar meñ hasrat-e-dīdār se nihāñ

shauq-e-ināñ guseḳhta dariyā kaheñ jise

darkār hai shaguftan-e-gul-hā-e-aish ko

sub.h-e-bahār pumba-e-mīnā kaheñ jise

'ġhālib' burā na maan jo vaa.iz burā kahe

aisā bhī koī hai ki sab achchhā kaheñ jise

yā rab hameñ to ḳhvāb meñ bhī mat dikhā.iyo

ye mahshar-e-ḳhayāl ki duniyā kaheñ jise

hai intizār se sharar ābād rustaḳhez

mizhgān-e-koh-kan rag-e-ḳhārā kaheñ jise

kis fursat-e-visāl pe hai gul ko andalīb

zaḳhm-e-firāq ḳhanda-e-be-jā kaheñ jise

āīna kyuñ na duñ ki tamāshā kaheñ jise

aisā kahāñ se lāūñ ki tujh sā kaheñ jise

hasrat ne lā rakhā tirī bazm-e-ḳhayāl meñ

gul-dasta-e-nigāh suwaidā kaheñ jise

phūñkā hai kis ne gosh-e-mohabbat meñ ai ḳhudā

afsūn-e-intizār tamannā kaheñ jise

sar par hujūm-e-dard-e-ġharībī se Dāliye

wo ek musht-e-ḳhāk ki sahrā kaheñ jise

hai chashm-e-tar meñ hasrat-e-dīdār se nihāñ

shauq-e-ināñ guseḳhta dariyā kaheñ jise

darkār hai shaguftan-e-gul-hā-e-aish ko

subh-e-bahār pumba-e-mīnā kaheñ jise

'ġhālib' burā na man jo waiz burā kahe

aisā bhī koī hai ki sab achchhā kaheñ jise

yā rab hameñ to ḳhwāb meñ bhī mat dikhāiyo

ye mahshar-e-ḳhayāl ki duniyā kaheñ jise

hai intizār se sharar ābād rustaḳhez

mizhgān-e-koh-kan rag-e-ḳhārā kaheñ jise

kis fursat-e-wisāl pe hai gul ko andalīb

zaḳhm-e-firāq ḳhanda-e-be-jā kaheñ jise