naqsh fariyādī hai kis kī shoḳhi-e-tahrīr kā

naqsh fariyādī hai kis kī shoḳhi-e-tahrīr kā

kāġhzī hai pairahan har paikar-e-tasvīr kā

kaav kāv-e-saḳht-jānī hā.e-tanhā.ī na pūchh

sub.h karnā shaam kā laanā hai jū-e-shīr kā

jazba-e-be-iḳhtiyār-e-shauq dekhā chāhiye

sīna-e-shamshīr se bāhar hai dam shamshīr kā

āgahī dām-e-shunīdan jis qadar chāhe bichhā.e

mudda.ā anqā hai apne ālam-e-taqrīr kā

bas-ki huuñ 'ġhālib' asīrī meñ bhī ātish zer-e-pā

mū-e-ātish diida hai halqa mirī zanjīr kā

ātishīñ-pā huuñ gudāz-e-vahshat-e-zindāñ na pūchh

mū-e-ātish diida hai har halqa yaañ zanjīr kā

shoḳhī-e-nairañg said-e-vahshat-e-tā.ūs hai

dām-e-sabza meñ hai parvāz-e-chaman tasḳhīr kā

lazzat-e-ījād-e-nāz afsūn-e-arz-e-zauq-e-qatl

na.al ātish meñ hai teġh-e-yār se naḳhchīr kā

ḳhisht pusht-e-dast-e-ijz o qālib āġhosh-e-vidā.a

pur huā hai sail se paimāna kis ta.amīr kā

vahshat-e-ḳhvāb-e-adam shor-e-tamāshā hai 'asad'

jo maza jauhar nahīñ ā.īna-e-ta.abīr kā

naqsh fariyādī hai kis kī shoḳhi-e-tahrīr kā

kāġhzī hai pairahan har paikar-e-taswīr kā

kaw kāw-e-saḳht-jānī hāe-tanhāī na pūchh

subh karnā sham kā lanā hai jū-e-shīr kā

jazba-e-be-iḳhtiyār-e-shauq dekhā chāhiye

sīna-e-shamshīr se bāhar hai dam shamshīr kā

āgahī dām-e-shunīdan jis qadar chāhe bichhāe

muddaā anqā hai apne ālam-e-taqrīr kā

bas-ki huñ 'ġhālib' asīrī meñ bhī ātish zer-e-pā

mū-e-ātish dida hai halqa mirī zanjīr kā

ātishīñ-pā huñ gudāz-e-wahshat-e-zindāñ na pūchh

mū-e-ātish dida hai har halqa yañ zanjīr kā

shoḳhī-e-nairañg said-e-wahshat-e-tāūs hai

dām-e-sabza meñ hai parwāz-e-chaman tasḳhīr kā

lazzat-e-ījād-e-nāz afsūn-e-arz-e-zauq-e-qatl

nal ātish meñ hai teġh-e-yār se naḳhchīr kā

ḳhisht pusht-e-dast-e-ijz o qālib āġhosh-e-widāa

pur huā hai sail se paimāna kis tamīr kā

wahshat-e-ḳhwāb-e-adam shor-e-tamāshā hai 'asad'

jo maza jauhar nahīñ āīna-e-tabīr kā