naqsh fariyaadi hai kis ki shoKHi-e-tahrir ka

naqsh fariyādī hai kis kī shoḳhi-e-tahrīr kā

kāġhzī hai pairahan har paikar-e-tasvīr kā

kaav kāv-e-saḳht-jānī hā.e-tanhā.ī na pūchh

sub.h karnā shaam kā laanā hai jū-e-shīr kā

jazba-e-be-iḳhtiyār-e-shauq dekhā chāhiye

sīna-e-shamshīr se bāhar hai dam shamshīr kā

āgahī dām-e-shunīdan jis qadar chāhe bichhā.e

mudda'ā 'anqā hai apne ’ālam-e-taqrīr kā

bas-ki huuñ 'ġhālib' asīrī meñ bhī ātish zer-e-pā pā

mū-e-ātish diida hai halqa mirī zanjīr kā

ātishīñ-pā huuñ gudāz-e-vahshat-e-zindāñ na pūchh

mū-e-ātish diida hai har halqa yaañ zanjīr kā

shoḳhī-e-nairañg said-e-vahshat-e-tā.ūs hai

dām-e-sabza meñ hai parvāz-e-chaman tasḳhīr kā

lazzat-e-ījād-e-nāz afsūn-e-’arz-e-zauq-e-qatl

naa’l ātish meñ hai teġh-e-yār se naḳhchīr kā

ḳhisht pusht-e-dast-e-’izz-o-qābil āġhosh-e-vidā.a

pur huā hai sail se paimāna kis tā'mīr kā

vahshat-e-ḳhvāb-e-adam shor-e-tamāshā hai 'asad'

jo maza jauhar nahīñ ā.īna-e-tā‘bīr kā

naqsh fariyaadi hai kis ki shoKHi-e-tahrir ka

kaghzi hai pairahan har paikar-e-taswir ka

kaw kaw-e-saKHt-jaani hae-tanhai na puchh

subh karna sham ka lana hai ju-e-shir ka

jazba-e-be-iKHtiyar-e-shauq dekha chahiye

sina-e-shamshir se bahar hai dam shamshir ka

aagahi dam-e-shunidan jis qadar chahe bichhae

mudda'a 'anqa hai apne ’alam-e-taqrir ka

bas-ki hun 'ghaalib' asiri mein bhi aatish zer-e-pa pa

mu-e-atish dida hai halqa meri zanjir ka

aatishin-pa hun gudaz-e-wahshat-e-zindan na puchh

mu-e-atish dida hai har halqa yan zanjir ka

shoKHi-e-nairang said-e-wahshat-e-taus hai

dam-e-sabza mein hai parwaz-e-chaman tasKHir ka

lazzat-e-ijad-e-naz afsun-e-’arz-e-zauq-e-qatl

na’l aatish mein hai tegh-e-yar se naKHchir ka

KHisht pusht-e-dast-e-’izz-o-qabil aaghosh-e-widaa

pur hua hai sail se paimana kis ta'mir ka

wahshat-e-KHwab-e-adam shor-e-tamasha hai 'asad'

jo maza jauhar nahin aaina-e-ta‘bir ka