mazaq-e-jurat-o-himmat ko aazma na sake

mazāq-e-jur.at-o-himmat ko aazmā na sake

malā.ika bhī mohabbat kā baar uThā na sake

niyāz-o-nāz kī hāmil thī zindagī apnī

jabīn-e-dil ko tire dar se ham uThā na sake

guloñ ne shabnamī aañsū to pī liye lekin

jo aag dil meñ lagī thī use bujhā na sake

majāl-e-zauq-e-suḳhan phir kalīm kyā karte

ki jab vo sāmne aa.e nazar milā na sake

naqāb rū-e-munavvar se aap uThā.eñ to

vo the kalīm jo jalvoñ kī taab lā na sake

zamāna shā’ir-e-rañgīñ bayāñ samajhtā hai

nigāh-e-dost meñ 'nāzāñ' magar samā na sake

mazaq-e-jurat-o-himmat ko aazma na sake

malaika bhi mohabbat ka bar uTha na sake

niyaz-o-naz ki hamil thi zindagi apni

jabin-e-dil ko tere dar se hum uTha na sake

gulon ne shabnami aansu to pi liye lekin

jo aag dil mein lagi thi use bujha na sake

majal-e-zauq-e-suKHan phir kalim kya karte

ki jab wo samne aae nazar mila na sake

naqab ru-e-munawwar se aap uThaen to

wo the kalim jo jalwon ki tab la na sake

zamana sha’ir-e-rangin bayan samajhta hai

nigah-e-dost mein 'nazan' magar sama na sake