aap jin ke qarib hote hain
aap jin ke qarīb hote haiñ
vo baḌe ḳhush-nasīb hote haiñ
jab tabī'at kisī par aatī hai
maut ke din qarīb hote haiñ
mujh se milnā phir aap kā milnā
aap kis ko nasīb hote haiñ
zulm sah kar jo uf nahīñ karte
un ke dil bhī 'ajīb hote haiñ
'ishq meñ aur kuchh nahīñ miltā
saikaḌoñ ġham nasīb hote haiñ
'nūh' kī qadar koī kyā jaane
kahīñ aise adiib hote haiñ
aap jin ke qarib hote hain
wo baDe KHush-nasib hote hain
jab tabi'at kisi par aatī hai
maut ke din qarib hote hain
mujh se milna phir aap ka milna
aap kis ko nasib hote hain
zulm sah kar jo uf nahin karte
un ke dil bhi 'ajib hote hain
'ishq mein aur kuchh nahin milta
saikaDon gham nasib hote hain
'nuh' ki qadar koi kya jaane
kahin aise adib hote hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
