phir mujhe dīda-e-tar yaad aayā

phir mujhe dīda-e-tar yaad aayā

dil jigar tishna-e-faryād aayā

dam liyā thā na qayāmat ne hanūz

phir tirā vaqt-e-safar yaad aayā

sādgī-hā-e-tamannā ya.anī

phir vo nairañg-e-nazar yaad aayā

uzr-e-vāmāndagī ai hasrat-e-dil

naala kartā thā jigar yaad aayā

zindagī yuuñ bhī guzar hī jaatī

kyuuñ tirā rāhguzar yaad aayā

kyā hī rizvāñ se laḌā.ī hogī

ghar tirā ḳhuld meñ gar yaad aayā

aah vo jur.at-e-fariyād kahāñ

dil se tañg aa ke jigar yaad aayā

phir tire kūche ko jaatā hai ḳhayāl

dil-e-gum-gashta magar yaad aayā

koī vīrānī sī vīrānī hai

dasht ko dekh ke ghar yaad aayā

maiñ ne majnūñ pe laḌakpan meñ 'asad'

sañg uThāyā thā ki sar yaad aayā

vasl meñ hijr kā Dar yaad aayā

ain jannat meñ saqar yaad aayā

phir mujhe dīda-e-tar yaad aayā

dil jigar tishna-e-faryād aayā

dam liyā thā na qayāmat ne hanūz

phir tirā waqt-e-safar yaad aayā

sādgī-hā-e-tamannā yanī

phir wo nairañg-e-nazar yaad aayā

uzr-e-wāmāndagī ai hasrat-e-dil

nala kartā thā jigar yaad aayā

zindagī yuñ bhī guzar hī jatī

kyuñ tirā rāhguzar yaad aayā

kyā hī rizwāñ se laḌāī hogī

ghar tirā ḳhuld meñ gar yaad aayā

aah wo jurat-e-fariyād kahāñ

dil se tañg aa ke jigar yaad aayā

phir tere kūche ko jatā hai ḳhayāl

dil-e-gum-gashta magar yaad aayā

koī wīrānī sī wīrānī hai

dasht ko dekh ke ghar yaad aayā

maiñ ne majnūñ pe laḌakpan meñ 'asad'

sañg uThāyā thā ki sar yaad aayā

wasl meñ hijr kā Dar yaad aayā

ain jannat meñ saqar yaad aayā