phir mujhe dida-e-tar yaad aaya

phir mujhe dīda-e-tar yaad aayā

dil jigar tishna-e-fariyād aayā

dam liyā thā na qayāmat ne hanūz

phir tirā vaqt-e-safar yaad aayā

sādgī-hā-e-tamannā yā'nī

phir vo nairañg-e-nazar yaad aayā

’uzr-e-vāmāndagī ai hasrat-e-dil

naala kartā thā jigar yaad aayā

zindagī yuuñ bhī guzar hī jaatī

kyuuñ tirā rāhguzar guzar yaad aayā

kyā hī rizvāñ se laḌā.ī hogī

ghar tirā ḳhuld meñ gar yaad aayā

aah vo jur.at-e-fariyād kahāñ

dil se tañg aa ke jigar yaad aayā

phir tire kūche ko jaatā hai ḳhayāl

dil-e-gum-gashta magar yaad aayā

koī vīrānī sī vīrānī hai

dasht ko dekh ke ghar yaad aayā

maiñ ne majnūñ pe laḌakpan meñ 'asad'

sañg uThāyā thā ki sar yaad aayā

vasl meñ hijr kā Dar yaad aayā

'ain jannat meñ saqar yaad aayā

phir mujhe dida-e-tar yaad aaya

dil jigar tishna-e-fariyaad aaya

dam liya tha na qayamat ne hanuz

phir tera waqt-e-safar yaad aaya

sadgi-ha-e-tamanna ya'ni

phir wo nairang-e-nazar yaad aaya

’uzr-e-wamandagi ai hasrat-e-dil

nala karta tha jigar yaad aaya

zindagi yun bhi guzar hi jati

kyun tera rahguzar guzar yaad aaya

kya hi rizwan se laDai hogi

ghar tera KHuld mein gar yaad aaya

aah wo jurat-e-fariyaad kahan

dil se tang aa ke jigar yaad aaya

phir tere kuche ko jata hai KHayal

dil-e-gum-gashta magar yaad aaya

koi virani si virani hai

dasht ko dekh ke ghar yaad aaya

main ne majnun pe laDakpan mein 'asad'

sang uThaya tha ki sar yaad aaya

wasl mein hijr ka Dar yaad aaya

'ain jannat mein saqar yaad aaya