baat dekhi hai faqat aap ke diwanon mein

baat dekhī hai faqat aap ke dīvānoñ meñ

kuud paḌte haiñ machalte hue tūfānoñ meñ

sāmne aake jo vo sharm se rū-posh hue

ek halchal sī machā dī mire armānoñ meñ

allāh allāh ye tire husn-e-fusūñ-gar kī kashish

but bhī sajde ko haiñ betāb sanam-ḳhānoñ meñ

hañs ke chheḌe na koī aap ke dīvānoñ ko

ye qiyāmat liye baiThe haiñ garebānoñ meñ

mai-e-gul-rañg kā ik jaam hameñ bhī ho atā

ham bhī haiñ sāqī-e-daurāñ tire mastānoñ meñ

munqalib ho ga.e hālāt ba-yak chashm-e-zadan

kal yagāne jo the vo aaj haiñ begānoñ meñ

mubda-e-faiz ne baḳhshī vo mujhe tab-e-rasā

naam apnā bhī 'nasīr' ab hai suḳhan-dānoñ meñ

baat dekhi hai faqat aap ke diwanon mein

kud paDte hain machalte hue tufanon mein

samne aake jo wo sharm se ru-posh hue

ek halchal si macha di mere armanon mein

allah allah ye tere husn-e-fusun-gar ki kashish

but bhi sajde ko hain betab sanam-KHanon mein

hans ke chheDe na koi aap ke diwanon ko

ye qiyamat liye baiThe hain garebanon mein

mai-e-gul-rang ka ek jam hamein bhi ho ata

hum bhi hain saqi-e-dauran tere mastanon mein

munqalib ho gae haalat ba-yak chashm-e-zadan

kal yagane jo the wo aaj hain beganon mein

mubda-e-faiz ne baKHshi wo mujhe tab-e-rasa

nam apna bhi 'nasir' ab hai suKHan-danon mein