zulm hum par har-an hote hain

zulm ham par har-ān hote haiñ

raat din imtihān hote haiñ

aap se kyā koī tavaqqo.a ho

aap kab mehrbān hote haiñ

husn kī sādgī kā kyā kahnā

'ishq par sau gumān hote haiñ

koī un ko miTā nahīñ saktā

ġham ke aise nishān hote haiñ

zulm sahte haiñ kuchh nahīñ kahte

ahl-e-dil be-zabān hote haiñ

dīda-o-dil kī aabrū aañsū

ġham ke ye tarjumān hote haiñ

aap ko be-vafā kahā kis ne

aap kyuuñ bad-gumān hote haiñ

barq tinke vahī jalātī hai

jo nasheman kī jaan hote haiñ

itnā āsāñ nahīñ hai 'ishq 'nasīr'

is meñ sau imtihān hote haiñ

zulm hum par har-an hote hain

raat din imtihan hote hain

aap se kya koi tawaqqoa ho

aap kab mehrban hote hain

husn ki sadgi ka kya kahna

'ishq par sau guman hote hain

koi un ko miTa nahin sakta

gham ke aise nishan hote hain

zulm sahte hain kuchh nahin kahte

ahl-e-dil be-zaban hote hain

dida-o-dil ki aabru aansu

gham ke ye tarjuman hote hain

aap ko be-wafa kaha kis ne

aap kyun bad-guman hote hain

barq tinke wahi jalati hai

jo nasheman ki jaan hote hain

itna aasan nahin hai 'ishq 'nasir'

is mein sau imtihan hote hain