hamara aur koi gham-gusar bhi to nahin

hamārā aur koī ġham-gusār bhī to nahīñ

tirī qasam kā magar e'tibār bhī to nahīñ

jafā pasand nahīñ nāgavār bhī to nahīñ

sitam to ye hai ki tū sharmsār bhī to nahīñ

tirī nigāh ko āḳhir kahāñ talāsh karūñ

rukī na dil meñ magar ār-pār bhī to nahīñ

kisī ġharīb pe aañsū bahā.e kaun yahāñ

ye be-kasī hai ki sham'-e-mazār bhī to nahīñ

hazār baar pukārā use mohabbat meñ

javāb us ne diyā ek baar bhī to nahīñ

talāsh phir hai mirī aaj kyuuñ zamāne ko

nishān-e-qabr kahāñ ab ġhubār bhī to nahīñ

kahāñ pe jā ke kareñ kunj-e-āfiyat kī talāsh

'nasīr' jā-e-sukūñ kū-e-yār bhī to nahīñ

hamara aur koi gham-gusar bhi to nahin

teri qasam ka magar e'tibar bhi to nahin

jafa pasand nahin nagawar bhi to nahin

sitam to ye hai ki tu sharmsar bhi to nahin

teri nigah ko aaKHir kahan talash karun

ruki na dil mein magar aar-par bhi to nahin

kisi gharib pe aansu bahae kaun yahan

ye be-kasi hai ki sham'-e-mazar bhi to nahin

hazar bar pukara use mohabbat mein

jawab us ne diya ek bar bhi to nahin

talash phir hai meri aaj kyun zamane ko

nishan-e-qabr kahan ab ghubar bhi to nahin

kahan pe ja ke karen kunj-e-afiyat ki talash

'nasir' ja-e-sukun ku-e-yar bhi to nahin