putla-e-kHak mein hai bhed chhupa kya kahiye

putla-e-kHāk meñ hai bhed chhupā kyā kahiye

khol deñ phir to ho ik shor bapā kyā kahiye

ham hoñ mā'dūm jahāñ aap hoñ mumkin hī nahīñ

kab ziyā shams se hotī hai judā kyā kahiye

tum ko hī chhoḌ deñ yā ḳhud ko hī ham kho baiTheñ

itnī hī baat meñ miltā hai patā kyā kahiye

kaun zāhir hai sivā aap ke jab maiñ ne kahā

ho ga.e phir to ḳhafā ho ke kyā kahiye

hashr tak hosh meñ ham aa nahīñ sakte haiñ 'asad'

pī chuke saaqī se vo jām-e-fanā kyā kahiye

putla-e-kHak mein hai bhed chhupa kya kahiye

khol den phir to ho ek shor bapa kya kahiye

hum hon ma'dum jahan aap hon mumkin hi nahin

kab ziya shams se hoti hai juda kya kahiye

tum ko hi chhoD den ya KHud ko hi hum kho baiThen

itni hi baat mein milta hai pata kya kahiye

kaun zahir hai siwa aap ke jab main ne kaha

ho gae phir to KHafa ho ke kya kahiye

hashr tak hosh mein hum aa nahin sakte hain 'asad'

pi chuke saqi se wo jam-e-fana kya kahiye