puchha kisi ne haal kisi ka to ro diye

pūchhā kisī ne haal kisī kā to ro diye

paanī meñ aks chāñd kā dekhā to ro diye

naġhma kisī ne saaz par chheḌā to ro diye

ġhuncha kisī ne shāḳh se toḌā to ro diye

uḌtā huā ġhubār sar-e-rāh dekh kar

anjām ham ne 'ishq kā sochā to ro diye

bādal fazā meñ aap kī tasvīr ban ga.e

saaya koī ḳhayāl se guzrā to ro diye

rañg-e-shafaq se aag shagūfoñ meñ lag ga.ī

'sāġhar' hamāre haath se chhalkā to ro diye

puchha kisi ne haal kisi ka to ro diye

pani mein aks chand ka dekha to ro diye

naghma kisi ne saz par chheDa to ro diye

ghuncha kisi ne shaKH se toDa to ro diye

uDta hua ghubar sar-e-rah dekh kar

anjam hum ne 'ishq ka socha to ro diye

baadal faza mein aap ki taswir ban gae

saya koi KHayal se guzra to ro diye

rang-e-shafaq se aag shagufon mein lag gai

'saghar' hamare hath se chhalka to ro diye