duniya man gai

duniyā maan ga.ī

tiir nazar kā o dildārā

tū ne is andāz se maarā

ho duniyā maan ga.ī

sub.h-e-banaras gaal haiñ tere

shām-e-avadh kī baal haiñ tere

chaḌhtā sūraj mast javānī

dekh ke duniyā ho dīvānī

zulf ghanerī yuuñ lahrā.e

jaise sāvan jhuum ke aa.e

komal-komal añg hai terā

chāndī jaisā rañg hai terā

reshmī āñchal dast-e-hinā.ī

qātil terī har añgḌā.ī

dekh ke jis ko man lalchā.e

patlī kamar sau-sau bal khaa.e

pag-pag dhartī chuum rahī hai

nāgin jaisī jhuum rahī hai

sar se pā tak chaltā jaadū

kis ko rahe phir dil par qaabū

chanchal naTkhaT shoḳh hasīna

lab pe hañsī aur dil meñ kiina

dil se khele pyaar jatā kar

maarā sab ko apnā banā kar

tirchhī nazar kā kar ke ishāra

ek to kyā lākhoñ ko maarā

ho duniyā maan ga.ī

jān-e-tamannā jān-e-ġhazal hai

husn-e-mujassam tāj-mahal hai

kahlāne ko māh-e-jabīñ hai

husn-e-muravvat tujh meñ nahīñ hai

terī adā.eñ jaan kī dushman

Das letī haiñ ban kar nāgin

chāhne vaalā chain gañvā.e

rote-rote nain gañvā.e

amrit kah kar zahr pilā.e

piine vaalā jaan se jaa.e

is ko taakā us ko lauTā

koī na tere daam se chhūTā

maarī aisī nain-kaTārī

jo bhī lagā vo zaḳhm thā kaarī

ho gayā har dil pāra-pāra

bach na sakā koī ġham kā maarā

ho duniyā maan ga.ī

apnī haqīqat bhūlne vaale

husn ke bal par phūlne vaale

priit kī ye to riit nahīñ hai

haar hai terī jiit nahīñ hai

dekh javānī hai dīvānī

kab tak āḳhir ye man-mānī

baat pate kī batlātā huuñ

vaqt se pahle jatlātā huuñ

paanī sar se ūñchā ho kar

rakh hī degā tujh ko Dubo kar

aaj samajh jā samjhāne se

fā.ida kyā kal pachhtāne se

ḳhuub samajh le dil meñ apne

TūTeñge ye saare sapne

ab to samajh 'qaisar' kā ishāra

har koī ghabrā ke pukārā

ho duniyā maan ga.ī

duniya man gai

tir nazar ka o dildara

tu ne is andaz se mara

ho duniya man gai

subh-e-banaras gal hain tere

sham-e-awadh ki baal hain tere

chaDhta suraj mast jawani

dekh ke duniya ho diwani

zulf ghaneri yun lahrae

jaise sawan jhum ke aae

komal-komal ang hai tera

chandi jaisa rang hai tera

reshmi aanchal dast-e-hinai

qatil teri har angDai

dekh ke jis ko man lalchae

patli kamar sau-sau bal khae

pag-pag dharti chum rahi hai

nagin jaisi jhum rahi hai

sar se pa tak chalta jadu

kis ko rahe phir dil par qabu

chanchal naTkhaT shoKH hasina

lab pe hansi aur dil mein kina

dil se khele pyar jata kar

mara sab ko apna bana kar

tirchhi nazar ka kar ke ishaara

ek to kya lakhon ko mara

ho duniya man gai

jaan-e-tamanna jaan-e-ghazal hai

husn-e-mujassam taj-mahal hai

kahlane ko mah-e-jabin hai

husn-e-murawwat tujh mein nahin hai

teri adaen jaan ki dushman

Das leti hain ban kar nagin

chahne wala chain ganwae

rote-rote nain ganwae

amrit kah kar zahr pilae

pine wala jaan se jae

is ko taka us ko lauTa

koi na tere dam se chhuTa

mari aisi nain-kaTari

jo bhi laga wo zaKHm tha kari

ho gaya har dil para-para

bach na saka koi gham ka mara

ho duniya man gai

apni haqiqat bhulne wale

husn ke bal par phulne wale

prit ki ye to rit nahin hai

haar hai teri jit nahin hai

dekh jawani hai diwani

kab tak aaKHir ye man-mani

baat pate ki batlata hun

waqt se pahle jatlata hun

pani sar se uncha ho kar

rakh hi dega tujh ko Dubo kar

aaj samajh ja samjhane se

faida kya kal pachhtane se

KHub samajh le dil mein apne

TuTenge ye sare sapne

ab to samajh 'qaisar' ka ishaara

har koi ghabra ke pukara

ho duniya man gai