gunahon se karo tauba qayamat aane wali hai

musalmānoñ sambhal jaao qayāmat aane vaalī hai

gunāhoñ se karo tauba qayāmat aane vaalī hai

raushan karo diloñ ko mohabbat ke nuur se

tum ko sukūñ milegā qanā'at ke nuur se

peshānī jagmagā.egī 'izzat ke nuur se

miT jā.egā añdherā sharāfat ke nuur se

ye gumrāhī ye be-dīnī musībat Dhāne vaalī hai

gunāhoñ se karo tauba qayāmat aane vaalī hai

shaitān ke qarīb ho yazdāñ se duur ho

ho mubtalā gunāhoñ meñ īmāñ se duur ho

insāniyat se duur ho insāñ se duur ho

had hai ki tum hadīs se qur.āñ se duur ho

yahī duurī tumheñ dozaḳh talak ke jaane vaalī hai

gunāhoñ se karo tauba qayāmat aane vaalī hai

T.V ke dekhne se fursat nahīñ tumheñ

goyā namāz roza kī hājat nahīñ tumheñ

ab nekiyoñ kī koī zarūrat nahīñ tumheñ

allāh aur rasūl kī chāhat nahīñ tumheñ

ghaTā tum par falak se aag ab barsāne vaalī hai

gunāhoñ se karo tauba qayāmat aane vaalī hai

duniyā kī ye ḳhvāhish tumheñ barbād karegī

be-dād hī kartī hai ye daad karegī

qānūn-e-ḳhudā se tumheñ āzād karegī

fir'aun karegī kabhī shaddād karegī

tumhārī har adā duniyā se dhoka khāne vaalī hai

gunāhoñ se karo tauba qayāmat aane vaalī hai

pahle tumhīñ ne chhoḌī hai tā'zīm diin kī

dete nahīñ ho bachchoñ ko tā'līm diin kī

kese kareñge baat ye taslīm diin kī

kyā kar sakeñge ’izzat-o-takrīm diin kī

tumhārī be-hisī is nasl ko bahkāne vaalī hai

gunāhoñ se karo tauba qayāmat aane vaalī hai

kī tum ne jo ġhaflat ye usī kā hai natīja

āñkhoñ ko zarā khol ke ab dekho tamāshā

phir sochnā kis moḌ aa.ī hai duniyā

aa jā.egā māthe pe nadāmat kā pasīna

na.ī tasvīr ab qudrat hameñ dikhlāne vaalī hai

gunāhoñ se karo tauba qayāmat aane vaalī hai

ab baap ko bhī baap samajhte nahīñ haiñ log

'izzat bhī hālat maaoñ kī karte nahīñ haiñ log

ab bhaa.ī aur bahnoñ kā dete nahīñ haiñ log

bhūke paḌosiyoñ ko khilāte nahīñ haiñ log

na jaane aur kyā duniyā hameñ dikhlāne vaalī hai

gunāhoñ se karo tauba qayāmat aane vaalī hai

be-parda apne ghar se nikaltī haiñ ’aurateñ

dikhlātī hai adā.eñ machaltī haiñ ’aurateñ

sāñche meñ be-hayā.ī ke Dhaltī haiñ ’aurateñ

mardoñ ko chheḌte huī chaltī haiñ ’aurateñ

ye be-sharmī ye nā-samjhī balā.eñ laane vaalī hai

gunāhoñ se karo tauba qayāmat aane vaalī hai

yuuñ ho ga.ī haiñ kapḌoñ se bezār laḌkiyāñ

jalva se ab sajātī haiñ bāzār laḌkiyāñ

karne lagī haiñ pyaar kā bevpār laḌkiyāñ

ye tiir laḌkiyāñ haiñ ye talvār laḌkiyāñ

javānī kī ye nā-dānī jahannam paane vaalī hai

gunāhoñ se karo tauba qayāmat aane vaalī hai

ab nāchtī haiñ beTiyāñ bāpoñ ke sāmne

’uryāniyat dikhlātī haiñ logoñ ke sāmne

duniyā khaḌī huī hai balāoñ ke sāmne

manzar 'ajīb hai ye nigāhoñ ke sāmne

huī har chiiz bāzārī vafā miT jaane vaalī hai

gunāhoñ se karo tauba qayāmat aane vaalī hai

pachchhim kī aisī aa.ī havā apne des meñ

phailī hai nañge-pan kī vabā apne des meñ

london kī dekh lījiye adā apne des meñ

paris kā aa rahā hai maza apne des meñ

na.ī tahzīb ghar meñ ye burā.ī laane vaalī hai

gunāhoñ se karo tauba qayāmat aane vaalī hai

fashion ke shauq ne hai kyā is qadar ḳharāb

miltī nahīñ hai ghar meñ koī maz.habī kitāb

gānoñ kī dhun par nāchtā rahtā hai ab shabāb

T.V har ghar ke liye ban ga.ī 'azāb

ye jo raushnī hai diin ko khā jaane vaalī hai

gunāhoñ se karo tauba qayāmat aane vaalī hai

har dil meñ burā.ī hai har ik ghar meñ burā.ī

āñkhoñ meñ badī chhā.ī aur sar meñ burā.ī

bhaa.ī meñ burā.ī hai birādar meñ burā.ī

ghar karne lagī hai dil-e-'qaisar' meñ burā.ī

nasīhat ye tumhārī ruuh ko taḌpāne vaalī hai

gunāhoñ se karo tauba qayāmat aane vaalī hai

musalmanon sambhal jao qayamat aane wali hai

gunahon se karo tauba qayamat aane wali hai

raushan karo dilon ko mohabbat ke nur se

tum ko sukun milega qana'at ke nur se

peshani jagmagaegi 'izzat ke nur se

miT jaega andhera sharafat ke nur se

ye gumrahi ye be-dini musibat Dhane wali hai

gunahon se karo tauba qayamat aane wali hai

shaitan ke qarib ho yazdan se dur ho

ho mubtala gunahon mein iman se dur ho

insaniyat se dur ho insan se dur ho

had hai ki tum hadis se quran se dur ho

yahi duri tumhein dozaKH talak ke jaane wali hai

gunahon se karo tauba qayamat aane wali hai

TV ke dekhne se fursat nahin tumhein

goya namaz roza ki hajat nahin tumhein

ab nekiyon ki koi zarurat nahin tumhein

allah aur rasul ki chahat nahin tumhein

ghaTa tum par falak se aag ab barsane wali hai

gunahon se karo tauba qayamat aane wali hai

duniya ki ye KHwahish tumhein barbaad karegi

be-dad hi karti hai ye dad karegi

qanun-e-KHuda se tumhein aazad karegi

fir'aun karegi kabhi shaddad karegi

tumhaari har ada duniya se dhoka khane wali hai

gunahon se karo tauba qayamat aane wali hai

pahle tumhin ne chhoDi hai ta'zim din ki

dete nahin ho bachchon ko ta'lim din ki

kese karenge baat ye taslim din ki

kya kar sakenge ’izzat-o-takrim din ki

tumhaari be-hisi is nasl ko bahkane wali hai

gunahon se karo tauba qayamat aane wali hai

ki tum ne jo ghaflat ye usi ka hai natija

aankhon ko zara khol ke ab dekho tamasha

phir sochna kis moD aai hai duniya

aa jaega mathe pe nadamat ka pasina

nai taswir ab qudrat hamein dikhlane wali hai

gunahon se karo tauba qayamat aane wali hai

ab bap ko bhi bap samajhte nahin hain log

'izzat bhi haalat maon ki karte nahin hain log

ab bhai aur bahnon ka dete nahin hain log

bhuke paDosiyon ko khilate nahin hain log

na jaane aur kya duniya hamein dikhlane wali hai

gunahon se karo tauba qayamat aane wali hai

be-parda apne ghar se nikalti hain ’auraten

dikhlati hai adaen machalti hain ’auraten

sanche mein be-hayai ke Dhalti hain ’auraten

mardon ko chheDte hui chalti hain ’auraten

ye be-sharmi ye na-samjhi balaen lane wali hai

gunahon se karo tauba qayamat aane wali hai

yun ho gai hain kapDon se bezar laDkiyan

jalwa se ab sajati hain bazar laDkiyan

karne lagi hain pyar ka bewpar laDkiyan

ye tir laDkiyan hain ye talwar laDkiyan

jawani ki ye na-dani jahannam pane wali hai

gunahon se karo tauba qayamat aane wali hai

ab nachti hain beTiyan bapon ke samne

’uryaniyat dikhlati hain logon ke samne

duniya khaDi hui hai balaon ke samne

manzar 'ajib hai ye nigahon ke samne

hui har chiz bazari wafa miT jaane wali hai

gunahon se karo tauba qayamat aane wali hai

pachchhim ki aisi aai hawa apne des mein

phaili hai nange-pan ki waba apne des mein

london ki dekh lijiye ada apne des mein

paris ka aa raha hai maza apne des mein

nai tahzib ghar mein ye burai lane wali hai

gunahon se karo tauba qayamat aane wali hai

fashion ke shauq ne hai kya is qadar KHarab

milti nahin hai ghar mein koi mazhabi kitab

ganon ki dhun par nachta rahta hai ab shabab

TV har ghar ke liye ban gai 'azab

ye jo raushni hai din ko kha jaane wali hai

gunahon se karo tauba qayamat aane wali hai

har dil mein burai hai har ek ghar mein burai

aankhon mein badi chhai aur sar mein burai

bhai mein burai hai biradar mein burai

ghar karne lagi hai dil-e-'qaisar' mein burai

nasihat ye tumhaari ruh ko taDpane wali hai

gunahon se karo tauba qayamat aane wali hai