aae hain wo mazar pe ghunghaT utar ke
aa.e haiñ vo mazār pe ghūñghaT utaar ke
mujh se nasīb achchhe haiñ mere mazār ke
maqtal meñ haal pūchho na mujh be-qarār ke
tum apne ghar ko jaao chhurī pher-phār ke
bijlī kabhī girī kabhī sayyād aa gayā
ham ne to chaar din bhī na dekhe bahār ke
allāh jaane qabr hai kis nā-murād kī
armān ro rahe haiñ sirhāne mazār ke
sayyād tere hukm-e-rihā.ī kā shukriya
ham to qafas meñ kaaT chuke din bahār ke
vā'da to kar ga.e haiñ 'qamar' mujh se shaam kā
kaise kaTeñge chār-pahar intizār ke
aae hain wo mazar pe ghunghaT utar ke
mujh se nasib achchhe hain mere mazar ke
maqtal mein haal puchho na mujh be-qarar ke
tum apne ghar ko jao chhuri pher-phaar ke
bijli kabhi giri kabhi sayyaad aa gaya
hum ne to chaar din bhi na dekhe bahaar ke
allah jaane qabr hai kis na-murad ki
arman ro rahe hain sirhane mazar ke
sayyaad tere hukm-e-rihai ka shukriya
hum to qafas mein kaT chuke din bahaar ke
wa'da to kar gae hain 'qamar' mujh se sham ka
kaise kaTenge chaar-pahar intizar ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
