raha na halqa-e-sufi mein soz-e-mushtaqi

rahā na halqa-e-sūfī meñ soz-e-mushtāqī

fasāna-hā-e-karāmāt rah ga.e baaqī

ḳharāb koshak-e-sultān-o-ḳHānqāh-e-faqīr

fuġhāñ ki taḳHt-o-musallā kamāl-e-razzāqī

karegī dāvar-e-mahshar ko sharmsār ik roz

kitāb-e-sūfī-o-mullā kī sāda-aurāqī

na chīnī-o-’arabī vo na rūmī-o-shāmī

samā sakā na do-'ālam meñ mard-e-āfāqī

mai-e-shabāna kī mastī to ho chukī lekin

khaTak rahā hai diloñ meñ karishma-e-sāqī

chaman meñ talḳh-navā.ī mirī gavārā kar

ki zahr bhī kabhī karatā hai kār-e-tiryāqī

'azīz-tar hai matā-e-amīr-o-sultāñ se

vo sher jis meñ ho bijlī kā soz-o-barrāqī

raha na halqa-e-sufi mein soz-e-mushtaqi

fasana-ha-e-karamat rah gae baqi

KHarab koshak-e-sultan-o-ḳHanqah-e-faqir

fughan ki taḳHt-o-musalla kamal-e-razzaqi

karegi dawar-e-mahshar ko sharmsar ek roz

kitab-e-sufi-o-mulla ki sada-auraqi

na chini-o-’arabi wo na rumi-o-shami

sama saka na do-'alam mein mard-e-afaqi

mai-e-shabana ki masti to ho chuki lekin

khaTak raha hai dilon mein karishma-e-saqi

chaman mein talKH-nawai meri gawara kar

ki zahr bhi kabhi karata hai kar-e-tiryaqi

'aziz-tar hai mata-e-amir-o-sultan se

wo sher jis mein ho bijli ka soz-o-barraqi