har jaur-o-sitam jis ko gawara nahin hota

har jaur-o-sitam jis ko gavārā nahīñ hotā

vo chāhne vaalā hī tumhārā nahīñ hotā

jis se unheñ manzūr kināra nahīñ hotā

ġhamza nahīñ hotā ki ishāra nahīñ hotā

allāh re us vaqt tirī yaad kā 'ālam

jis vaqt koī aur sahārā nahīñ hotā

ab zindagī-e-rafta na rah rah ke pukāre

uThnā mujhe is dar se to gavārā nahīñ hotā

tū ne to mire dam pe banā dī dil-e-betāb

aisā bhī koī chaah kā maarā nahīñ hotā

apne bhī hue jis kī mohabbat meñ parā.e

vo phir bhī kisī tarh hamārā nahīñ hotā

jo dam bhī hasīnoñ meñ nikal jaa.e vo behtar

aanā kabhī duniyā meñ dobāra nahīñ hotā

sāhil kī bahut fikr na kar ai dil-e-kam-zarf

bahr-e-ġham-e-ulfat kā kināra nahīñ hotā

āġhosh-e-tamannā meñ to hote haiñ vo aksar

āñkhoñ hī ko dīdār kā yaarā nahīñ hotā

mash.hūr haiñ kyā aap masīhā-e-zamāna

'mushtāq' hī bechāre kā chārā nahīñ hotā

har jaur-o-sitam jis ko gawara nahin hota

wo chahne wala hi tumhaara nahin hota

jis se unhen manzur kinara nahin hota

ghamza nahin hota ki ishaara nahin hota

allah re us waqt teri yaad ka 'alam

jis waqt koi aur sahaara nahin hota

ab zindagi-e-rafta na rah rah ke pukare

uThna mujhe is dar se to gawara nahin hota

tu ne to mere dam pe bana di dil-e-betab

aisa bhi koi chah ka mara nahin hota

apne bhi hue jis ki mohabbat mein parae

wo phir bhi kisi tarh hamara nahin hota

jo dam bhi hasinon mein nikal jae wo behtar

aana kabhi duniya mein dobara nahin hota

sahil ki bahut fikr na kar ai dil-e-kam-zarf

bahr-e-gham-e-ulfat ka kinara nahin hota

aaghosh-e-tamanna mein to hote hain wo aksar

aankhon hi ko didar ka yara nahin hota

mashhur hain kya aap masiha-e-zamana

'mushtaq' hi bechaare ka chaara nahin hota