yaad unki dil mein rahti hai aur hijr ki raaten hoti hain

yaad un kī dil meñ rahtī hai aur hijr kī rāteñ hotī haiñ

āñkheñ yuuñ jham-jham rotī haiñ jaise barsāteñ hotī haiñ

hote haiñ jab vo tasavvur meñ aur 'ishq kā ġhalba hotā hai

lab hote haiñ chup āñkheñ sākit hairat hai ki bāteñ hotī haiñ

manzūr jise chāheñ vo kareñ dekhā hai ye 'ishq kī duniyā meñ

pūchhā nahīñ jaatā nām-o-nasab mā'lūm na zāteñ hotīñ haiñ

mahdūd nahīñ hai un kā karam par baḳhshish un ke haath kī hai

jitnā jise chāheñ kar deñ 'atā ye apnī barāteñ hotīñ haiñ

dīdār kī daulat luTtī hai aur saa.il aate jaate haiñ

kis shaan se un ke kūche meñ ai dil ḳhairāteñ hotīñ haiñ

hote haiñ jab vo tasavvur meñ aur 'ishq kā ġhalba hotā hai

lab hote haiñ chup āñkheñ sākit hairat hai ki bāteñ hotīñ haiñ

maut aa.e ‘riyāz’-e-kHasta-jigar ai kaash mohabbat meñ un kī

sunte haiñ ki aise marne meñ poshīda hayāteñ hotīñ haiñ

yaad un ki dil mein rahti hai aur hijr ki raaten hoti hain

aankhen yun jham-jham roti hain jaise barsaten hoti hain

hote hain jab wo tasawwur mein aur 'ishq ka ghalba hota hai

lab hote hain chup aankhen sakit hairat hai ki baaten hoti hain

manzur jise chahen wo karen dekha hai ye 'ishq ki duniya mein

puchha nahin jata nam-o-nasab ma'lum na zaten hotin hain

mahdud nahin hai un ka karam par baKHshish un ke hath ki hai

jitna jise chahen kar den 'ata ye apni baraaten hotin hain

didar ki daulat luTti hai aur sail aate jate hain

kis shan se un ke kuche mein ai dil KHairaaten hotin hain

hote hain jab wo tasawwur mein aur 'ishq ka ghalba hota hai

lab hote hain chup aankhen sakit hairat hai ki baaten hotin hain

maut aae ‘riyaz’-e-kHasta-jigar ai kash mohabbat mein un ki

sunte hain ki aise marne mein poshida hayaten hotin hain