sar jis pe na jhuk jae use dar nahin kahte

sar jis pe na jhuk jaa.e use dar nahīñ kahte

har dar par jo jhuk jaa.e use sar nahīñ kahte

kyā tujh ko jahāñ vaale sitam-gar nahīñ kahte

kahte to haiñ lekin tire muñh par nahīñ kahte

kā'be meñ har ik sajde ko kahte haiñ 'ibādat

mai-ḳhāne meñ har jaam ko sāġhar nahīñ kahte

kā'be meñ musalmāñ ko bhī kah dete haiñ kāfir

mai-ḳhāne meñ kāfir ko bhī kāfir nahīñ kahte

sar jis pe na jhuk jae use dar nahin kahte

har dar par jo jhuk jae use sar nahin kahte

kya tujh ko jahan wale sitam-gar nahin kahte

kahte to hain lekin tere munh par nahin kahte

ka'be mein har ek sajde ko kahte hain 'ibaadat

mai-KHane mein har jam ko saghar nahin kahte

ka'be mein musalman ko bhi kah dete hain kafir

mai-KHane mein kafir ko bhi kafir nahin kahte