nasim-e-subh gulshan mein gulon se khelti hogi
nasīm-e-sub.h gulshan meñ guloñ se kheltī hogī
kisī kī āḳhirī hichkī kisī kī dil lagī hogī
tujhe dānista mahfil meñ jo dekhā ho to mujrim huuñ
nazar āḳhir nazar hai be-irāda uTh ga.ī hogī
maza aa jā.egā mahshar meñ kuchh sunñe sunāne kā
zabāñ hogī hamārī aur kahānī aap kī hogī
yahī 'ālam rahā parda-nashīnī kā to zāhir hai
ḳhudā.ī aap se hogī na ham se bandagī hogī
ta'ajjub kyā lagī jo aag ai 'sīmāb' siine meñ
hazāroñ dil meñ añgāre bhare the lag ga.ī hogī
nasim-e-subh gulshan mein gulon se khelti hogi
kisi ki aaKHiri hichki kisi ki dil lagi hogi
tujhe danista mahfil mein jo dekha ho to mujrim hun
nazar aaKHir nazar hai be-irada uTh gai hogi
maza aa jaega mahshar mein kuchh sunne sunane ka
zaban hogi hamari aur kahani aap ki hogi
yahi 'alam raha parda-nashini ka to zahir hai
KHudai aap se hogi na hum se bandagi hogi
ta'ajjub kya lagi jo aag ai 'simab' sine mein
hazaron dil mein angare bhare the lag gai hogi
- Book : Junoon (Pg. 208)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
