tere sagon mein jo mera shumar ho jae
tere sagoñ meñ jo merā shumār ho jaa.e
ye ḳhāksār bhī phir tājdār ho jaaye
milā hai soz-e-bilāl-o-uvais ko jis se
nazar idhar bhī vahī ek baar ho jaaye
ḳhizāñ nasīb hoñ barse idhar bhī abr-e-karam
mere bhī ujḌe chaman meñ bahār ho jaa.e
ilāhī mujh ko nahīñ ārzū-e-ḳhuld-e-barīñ
mere nasīb meñ un kā dayār ho jaa.e
sunā hai un kī karīmī balā.eñ letī hai
gunahgār agar sharmsār ho jaa.e
tere sagon mein jo mera shumar ho jae
ye KHaksar bhi phir tajdar ho jaye
mila hai soz-e-bilal-o-uwais ko jis se
nazar idhar bhi wahi ek bar ho jaye
KHizan nasib hon barse idhar bhi abr-e-karam
mere bhi ujDe chaman mein bahaar ho jae
ilahi mujh ko nahin aarzu-e-KHuld-e-barin
mere nasib mein un ka dayar ho jae
suna hai un ki karimi balaen leti hai
gunahgar agar sharmsar ho jae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
