gul hansa to hansa diya kis ne

gul hañsā to hañsā diyā kis ne

royā bulbul rolā diyā kis ne

sham' parvāna ko jalātī hai

sham' kā dil jalā diyā kis ne

ḳhvāb meñ shab ko aa zuleḳhā ke

shakl yūsuf dikhā diyā kis ne

shaiḳh aur barahman nahīñ samjhe

dair-o-kā'ba basā diyā kis ne

aag meñ jab gire ḳhalīlullāh

Daalā kis ne bujhā diyā kis ne

muñh se mansūr ke anal-haq

kahā kis ne sazā diyā kis ne

hai vahī tū samajh le bas 'kHāmosh'

tujh ko fahm-o-zakā diyā kis ne

gul hansa to hansa diya kis ne

roya bulbul rola diya kis ne

sham' parwana ko jalati hai

sham' ka dil jala diya kis ne

KHwab mein shab ko aa zuleKHa ke

shakl yusuf dikha diya kis ne

shaiKH aur barahman nahin samjhe

dair-o-ka'ba basa diya kis ne

aag mein jab gire KHalilullah

Dala kis ne bujha diya kis ne

munh se mansur ke anal-haq

kaha kis ne saza diya kis ne

hai wahi tu samajh le bas 'kHamosh'

tujh ko fahm-o-zaka diya kis ne