us bazm ka tha turfa-e-alam har kaam zamana bhul gaya
us bazm ka tha turfa-e-alam har kaam zamana bhul gaya
Shah Taqi Raaz Barelvi
MORE BYShah Taqi Raaz Barelvi
us bazm kā thā turfa-e-'ālam har kaam zamāna bhuul gayā
vo hosh meñ laanā bhuul ga.e maiñ hosh meñ aanā bhuul gayā
un ke to karam kā kyā kahnā jalve the numāyāñ chaar taraf
ye merī ḳhatā hai merī ḳhatā nazroñ ko uThānā bhuul gayā
us mast-nazar ke uThte hī gum ho ga.ī merī ‘aql-o-ḳhirad
duniyā kī kahānī yaad rahī apnā hī fasāna bhuul gayā
pahle to ye sochā thā maiñ ne ashkoñ se bujhā lūñgā sab kuchh
jab aag ke sho'le bhaḌakne lage maiñ aag bujhānā bhuul gayā
gherā mujhe ik hairānī ne khoyā mujhe ik tābānī ne
jalvoñ kā kuchh aisā 'ālam thā nazroñ ko bachānā bhuul gayā
ai raaz haqīqat to ye hai vo parda-darī kab chāhte haiñ
jis 'rāz' ko maiñ kah baiThā thā vo raaz zamāna bhuul gayā
us bazm ka tha turfa-e-'alam har kaam zamana bhul gaya
wo hosh mein lana bhul gae main hosh mein aana bhul gaya
un ke to karam ka kya kahna jalwe the numayan chaar taraf
ye meri KHata hai meri KHata nazron ko uThana bhul gaya
us mast-nazar ke uThte hi gum ho gai meri ‘aql-o-KHirad
duniya ki kahani yaad rahi apna hi fasana bhul gaya
pahle to ye socha tha main ne ashkon se bujha lunga sab kuchh
jab aag ke sho'le bhaDakne lage main aag bujhana bhul gaya
ghera mujhe ek hairani ne khoya mujhe ek tabani ne
jalwon ka kuchh aisa 'alam tha nazron ko bachana bhul gaya
ai raaz haqiqat to ye hai wo parda-dari kab chahte hain
jis 'raaz' ko main kah baiTha tha wo raaz zamana bhul gaya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
