saqi teri aankhen hain paimane mein paimana
saqi teri aankhen hain paimane mein paimana
Shah Taqi Raaz Barelvi
MORE BYShah Taqi Raaz Barelvi
saaqī tirī āñkheñ haiñ paimāne meñ paimāna
aur qalb bhī terā hai mai-ḳhāne meñ mai-ḳhāna
ik baat jo kah dī thī miiñ ne kisī 'ālam meñ
āḳhir ko vahī niklī afsāne meñ afsāna
ai shama' tirī lau bhī us tak na pahuñch paa.ī
kis shoḳh ne rakkhā hai parvāne meñ parvāna
vo mulk jo jaañ kā hai us ko koī kyā jaane
gulshan meñ to gulshan hai vīrāne meñ vīrāna
saaqī kī nigāhoñ meñ mastī thī qayāmat kī
ham rindoñ ne dekhā hai ḳhum-ḳhāne meñ ḳhum-ḳhāna
saaqī ne nazar se bhī dil se bhī mujhe dekhā
us chiiz ko kahte haiñ mai-ḳhāne meñ mai-ḳhāna
vo raaz mukammal hai us raaz kā kyā kahnā
jo apne meñ apnā hai begāne meñ begāna
saqi teri aankhen hain paimane mein paimana
aur qalb bhi tera hai mai-KHane mein mai-KHana
ek baat jo kah di thi min ne kisi 'alam mein
aaKHir ko wahi nikli afsane mein afsana
ai shama' teri lau bhi us tak na pahunch pai
kis shoKH ne rakkha hai parwane mein parwana
wo mulk jo jaan ka hai us ko koi kya jaane
gulshan mein to gulshan hai virane mein virana
saqi ki nigahon mein masti thi qayamat ki
hum rindon ne dekha hai KHum-KHane mein KHum-KHana
saqi ne nazar se bhi dil se bhi mujhe dekha
us chiz ko kahte hain mai-KHane mein mai-KHana
wo raaz mukammal hai us raaz ka kya kahna
jo apne mein apna hai begane mein begana
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
