ai dil tu zara sun le us shoKH ka afsana
ai dil tu zara sun le us shoKH ka afsana
Shah Taqi Raaz Barelvi
MORE BYShah Taqi Raaz Barelvi
ai dil tū zarā sun le us shoḳh kā afsāna
ḳhud shama' banā ḳhud hī hai sūrat-e-parvāna
kahte haiñ junūñ jis ko ik turfa-tamāshā hai
apnoñ meñ to apnā hai begānoñ meñ begāna
saaqī kī 'ināyat se mushkil hī nahīñ koī
ham riñd jahāñ pahuñche khiñch aatā hai mai-ḳhāna
āñkhoñ meñ kuchh aañsū haiñ qadmoñ pe tire sur hai
ab hosh meñ aayā hai shāyad tirā dīvāna
ai raaz nahīñ āsāñ us raaz ko pā lenā
kā'ba kī tamannā meñ miltā hai sanam-ḳhāna
ai dil tu zara sun le us shoKH ka afsana
KHud shama' bana KHud hi hai surat-e-parwana
kahte hain junun jis ko ek turfa-tamasha hai
apnon mein to apna hai beganon mein begana
saqi ki 'inayat se mushkil hi nahin koi
hum rind jahan pahunche khinch aata hai mai-KHana
aankhon mein kuchh aansu hain qadmon pe tere sur hai
ab hosh mein aaya hai shayad tera diwana
ai raaz nahin aasan us raaz ko pa lena
ka'ba ki tamanna mein milta hai sanam-KHana
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
