اے دل تو ذرا سن لے اس شوخ کا افسانہ

اے دل تو ذرا سن لے اس شوخ کا افسانہ

خود شمع بنا خود ہی ہے صورتِ پروانہ

کہتے ہیں جنوں جس کو اک طرفہ تماشا ہے

اپنوں میں تو اپنا ہے بیگانوں میں بیگانہ

ساقی کی عنایت سے مشکل ہی نہیں کوئی

ہم رند جہاں پہنچے کھینچ آتا ہے میخانہ

آنکھوں میں کچھ آنسو ہیں قدموں پہ ترے سر ہے

اب ہوش میں آیا ہے شاید ترا دیوانہ

اے رازؔ نہیں آساں اس راز کو پا لینا

کعبہ کی تمنا میں ملتا ہے صنم خانہ