aai hai mai-e-ulfat mai-KHana ba-mai-kHana
aai hai mai-e-ulfat mai-KHana ba-mai-kHana
Shah Taqi Raaz Barelvi
MORE BYShah Taqi Raaz Barelvi
aa.ī hai mai-e-ulfat mai-ḳhāna ba-mai-kHāna
saaqī ne pilā.ī hai paimāna ba-paimāna
ai sham’-e-haqīqat maiñ taqsīr nahīñ terī
ye aag to aa.ī hai parvāna buh parvāna
allāh re ai saaqī pahuñchā hai tirā sāġhar
hushyār ba-hushyār aur dīvāna ba-dīvāna
mahbūb ne baḳhshā hai ye taaj tire sar ko
aa.e haiñ tire jalve turkāna ba-turkāna
jo 'rāz' ki terā hai jo 'rāz' ki merā hai
vo 'rāz' bhī aayā hai mastāna ba-mastāna
aai hai mai-e-ulfat mai-KHana ba-mai-kHana
saqi ne pilai hai paimana ba-paimana
ai sham’-e-haqiqat main taqsir nahin teri
ye aag to aai hai parwana buh parwana
allah re ai saqi pahuncha hai tera saghar
hushyar ba-hushyar aur diwana ba-diwana
mahbub ne baKHsha hai ye taj tere sar ko
aae hain tere jalwe turkana ba-turkana
jo 'raaz' ki tera hai jo 'raaz' ki mera hai
wo 'raaz' bhi aaya hai mastana ba-mastana
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
