usne kaha tu kaun hai maine kaha banda tera
usne kaha tu kaun hai maine kaha banda tera
Shah Taqi Raaz Barelvi
MORE BYShah Taqi Raaz Barelvi
us ne kahā tū kaun hai maiñ ne kahā banda tirā
us ne kahā kyā chāhiye maiñ ne kahā sadqa tirā tirā
us ne kahā dil meñ hai kyā meñ ne kahā ulfat tirī
us ne kahā sar meñ hai kyā maiñ ne kahā saudā tirā
us ne kahā taare haiñ kyā maiñ ne kahā afshāñ tirī
us ne kahā hai chāñd kyā maiñ ne kahā jalva tirā
us ne kahā kyuuñ sar jhukā maiñ ne kahā tālib huuñ maiñ
us ne kahā kartā hai kyā maiñ ne kahā sajda tirā
is ne kahā ye dil hai kyā maiñ ne kahā terī jagah
us ne kahā kyā hai nazar maiñ ne kahā parda tirā
us ne kahā kyā hai ḳhizāñ maiñ ne kahā terā 'itāb
vo bolā kyā hai fasl gul maiñ ne kahā ’ishvā tirā
us ne kahā maiñ kaun huuñ maiñ ne kahā mehr-e-mubīñ
us ne kahā hai 'rāz' kyā maiñ ne kahā rusvā tirā
us ne kaha tu kaun hai main ne kaha banda tera
us ne kaha kya chahiye main ne kaha sadqa tera tera
us ne kaha dil mein hai kya mein ne kaha ulfat teri
us ne kaha sar mein hai kya main ne kaha sauda tera
us ne kaha tare hain kya main ne kaha afshan teri
us ne kaha hai chand kya main ne kaha jalwa tera
us ne kaha kyun sar jhuka main ne kaha talib hun main
us ne kaha karta hai kya main ne kaha sajda tera
is ne kaha ye dil hai kya main ne kaha teri jagah
us ne kaha kya hai nazar main ne kaha parda tera
us ne kaha kya hai KHizan main ne kaha tera 'itab
wo bola kya hai fasl gul main ne kaha ’ishwa tera
us ne kaha main kaun hun main ne kaha mehr-e-mubin
us ne kaha hai 'raaz' kya main ne kaha ruswa tera
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
