dil dair-o-haram mein kahin na laga ye bhi na hua wo bhi na hua

dil dair-o-haram meñ kahīñ na lagā ye bhī na huā vo bhī na huā

na to but hī milā na ḳhudā hī milā ye bhī na huā vo bhī na huā

na shigāf-e-kafas se uḌ hī sakā na to aa.ī chaman se bād-e-sabā

sāmān-e-tasallī bhī na huā ye bhī na huā vo bhī na huā

duniyā hī milī na milā hameñ diin ga.ī donoñ jahāñ se jān-e-hazīñ

na idhar kā huā na udhar kā huā ye bhī na huā vo bhī na huā

na to ruḳh se tumhār naqāb uThā na tilism-e-hayā koī toḌ sakā

na qubūl huī kuchh merī du'ā ye bhī na huā vo bhī na huā

thā shauq idhar dīdār-talab vahāñ māne’-e-'arz-e-suḳhan thā adab

chup rah na sakā kuchh kah na sakā ye bhī na huā vo bhī na huā

bulbul kī ḳhush aa.ī gul ko sadā qumrī ke liye ḳhud sard thakā

aur tujh se to 'shākir' naġhma-sarā ye bhī na huā vo bhī na huā

dil dair-o-haram mein kahin na laga ye bhi na hua wo bhi na hua

na to but hi mila na KHuda hi mila ye bhi na hua wo bhi na hua

na shigaf-e-kafas se uD hi saka na to aai chaman se baad-e-saba

saman-e-tasalli bhi na hua ye bhi na hua wo bhi na hua

duniya hi mili na mila hamein din gai donon jahan se jaan-e-hazin

na idhar ka hua na udhar ka hua ye bhi na hua wo bhi na hua

na to ruKH se tumhaar naqab uTha na tilism-e-haya koi toD saka

na qubul hui kuchh meri du'a ye bhi na hua wo bhi na hua

tha shauq idhar didar-talab wahan mane’-e-'arz-e-suKHan tha adab

chup rah na saka kuchh kah na saka ye bhi na hua wo bhi na hua

bulbul ki KHush aai gul ko sada qumri ke liye KHud sard thaka

aur tujh se to 'shakir' naghma-sara ye bhi na hua wo bhi na hua