raat ubhri teri zulfon ki daraazi kya kya

raat ubhrī tirī zulfoñ kī darāzī kyā kyā

kHvāja-e-husn ne kī banda-navāzī kyā kyā

kabhī zanjīr kabhī maar kabhī phuul banī

zulf-e-ḳhamdār meñ thī sho.abada-bāzī kyā kyā

ḳhāl-e-ruḳhsār se maiñ zulf-e-rasā tak pahuñchā

dil-e-bad-mast ne kī dast-darāzī kyā kyā

hañs diyā maiñ rah-e-ulfat kī balā-ḳhezī par

'aql-e-’ayyār ne kī falsafa-sāzī kyā kyā

haram-e-shauq meñ ġham ko na huā baar nasīb

'ishq dikhlā gayā ālām-e-gudāzī kyā kyā

kaash us shab meñ bhī kuchh shān-e-darāzī hotī

tirī zulfoñ ne dikhā.ī thī darāzī kyā kyā

raat ubhri teri zulfon ki daraazi kya kya

kHwaja-e-husn ne ki banda-nawazi kya kya

kabhi zanjir kabhi mar kabhi phul bani

zulf-e-KHamdar mein thi shoabada-bazi kya kya

KHal-e-ruKHsar se main zulf-e-rasa tak pahuncha

dil-e-bad-mast ne ki dast-daraazi kya kya

hans diya main rah-e-ulfat ki bala-KHezi par

'aql-e-’ayyar ne ki falsafa-sazi kya kya

haram-e-shauq mein gham ko na hua bar nasib

'ishq dikhla gaya aalam-e-gudazi kya kya

kash us shab mein bhi kuchh shan-e-daraazi hoti

teri zulfon ne dikhai thi daraazi kya kya