qaza ek din sab ko aa kar rahegi

qazā ek din sab ko aa kar rahegī

jise jaan kahte haiñ jā kar rahegī

maza maut kā sab ko chakhnā paḌegā

ye miTTī meñ ik din milā kar rahegī

qazā ko ye samjho ki sar par khaḌī hai

ye hastī ko sab kī miTā kar rahegī

khulī haiñ ab āñkheñ na bhūlo qazā ko

ye kunj-e-lahad meñ sulā kar rahegī

ajal jis kī bālīñ pe baiThegī aa kar

to duniyā se us ko uThā kar rahegī

na chhuTegī pyār-o-mohabbat nabī kī

sharāban-tahūra pilā kar rahegī

qazā aa.egī jaan jā.egī 'tāhir'

vo aa kar rahe ye jā kar rahegī

qaza ek din sab ko aa kar rahegi

jise jaan kahte hain ja kar rahegi

maza maut ka sab ko chakhna paDega

ye miTTi mein ek din mila kar rahegi

qaza ko ye samjho ki sar par khaDi hai

ye hasti ko sab ki miTa kar rahegi

khuli hain ab aankhen na bhulo qaza ko

ye kunj-e-lahad mein sula kar rahegi

ajal jis ki baalin pe baiThegi aa kar

to duniya se us ko uTha kar rahegi

na chhuTegi pyar-o-mohabbat nabi ki

sharaban-tahura pila kar rahegi

qaza aaegi jaan jaegi 'tahir'

wo aa kar rahe ye ja kar rahegi