نہ محوِ در فنا ہوں نہ سہوِ در بقا ہوں

نہ محوِ در فنا ہوں نہ سہوِ در بقا ہوں

ہستی و نیستی کا جلوہ دکھا رہا ہوں

مقصد ہوں عارفوں کا آرام اؤلیا ہوں

لیلیٰ کا ناز ہوں میں مجنوں کا میں بکا ہوں

مؤمن کا ہوں میں ایماں کافر کا کفر میں ہوں

دیر و حرم میں میں ہی دونوں کا مدعا ہوں

آتا نظر نہیں ہوں گو سامنے ہوں ظاہر

بینائی چشم کی ہوں اور چشم سے جدا ہوں

یہ بھید میرا مخفی رکھنا اسدؔ تو دل میں

جو تو ہے وہ ہی میں ہوں اور میں ہی تو بنا ہوں