na mahw-e-dar fana hun na sahw-e-dar baqa hun

na mahv-e-dar fanā huuñ na sahv-e-dar baqā huuñ

hastī-o-nīstī kā jalva dikhā rahā huuñ

maqsad huuñ 'ārifoñ kā ārām-e-auliyā huuñ

lailā kā naaz huuñ maiñ majnūñ kā maiñ bukā huuñ

momin kā huuñ maiñ īmāñ kāfir kā kufr maiñ huuñ

dair-o-haram meñ maiñ hī donoñ kā mudda'ā huuñ

aatā nazar nahīñ huuñ go sāmne huuñ zāhir

bīnā.ī chashm kī huuñ aur chashm se judā huuñ

ye bhed merā maḳhfī rakhnā asad tū dil meñ

jo tū hai vo hī maiñ huuñ aur maiñ hī tū banā huuñ

na mahw-e-dar fana hun na sahw-e-dar baqa hun

hasti-o-nisti ka jalwa dikha raha hun

maqsad hun 'arifon ka aaram-e-auliya hun

laila ka naz hun main majnun ka main buka hun

momin ka hun main iman kafir ka kufr main hun

dair-o-haram mein main hi donon ka mudda'a hun

aata nazar nahin hun go samne hun zahir

binai chashm ki hun aur chashm se juda hun

ye bhed mera maKHfi rakhna asad tu dil mein

jo tu hai wo hi main hun aur main hi tu bana hun