bu yahi gul hai yahi bulbul-e-nalan hai yahi

bū yahī gul hai yahī bulbul-e-nālāñ hai yahī

naḳhl-e-paivand yahī aur gulistāñ hai yahī

mauj-e-kulzum hai yahī koh-o-bayābāñ hai yahī

durr-e-yaktā hai yahī lā'l-e-badaḳhshāñ hai yahī

husn-e-lailā hai yahī ḳhvāb-e-zuleḳhā hai yahī

qais-e-dīvāna yahī yūsuf-e-zindāñ hai yahī

kis ko jāhil kahūñ kis ko kahūñ 'ālim

'aql-e-farzāna yahī tifl-e-dabistāñ hai yahī

tuur par jalve se jis ke hue muusā be-ḳhud

'āshiqo dekho vo rashk-e-mah-e-tābāñ hai yahī

bu yahi gul hai yahi bulbul-e-nalan hai yahi

naKHl-e-paiwand yahi aur gulistan hai yahi

mauj-e-kulzum hai yahi koh-o-bayaban hai yahi

durr-e-yakta hai yahi la'l-e-badaKHshan hai yahi

husn-e-laila hai yahi KHwab-e-zuleKHa hai yahi

qais-e-diwana yahi yusuf-e-zindan hai yahi

kis ko jahil kahun kis ko kahun 'alim

'aql-e-farzana yahi tifl-e-dabistan hai yahi

tur par jalwe se jis ke hue musa be-KHud

'ashiqo dekho wo rashk-e-mah-e-taban hai yahi