suKHan hai baatil jo tu ne samjha ki yar mujh mein main yar mein hun

suḳhan hai bātil jo tū ne samjhā ki yaar mujh meñ maiñ yaar meñ huuñ

ki ḳhalq us se hai saaf paidā ki yaar mujh meñ maiñ yaar meñ huuñ

na shaiḳh hargiz kabhī kahegā ki tū hai us meñ vo tujh meñ

hai kufr vahdat meñ kahnā aisā ki yaar mujh meñ maiñ yaar meñ huuñ

is harf-e-ġhairat ko kab miTāyā ye parda tū ne kahāñ uThāyā

duī to ḳhud hai ye terā kahnā ki yaar mujh meñ maiñ yaar meñ huuñ

kamāl apnā fanā meñ jaano ye nukta haq hai tum is ko maano

kabhī na karnā tasavvur aisā ki yaar mujh meñ maiñ yaar meñ huuñ

thī 'ain sūrat kī ye bhī sūrat ki kī farishtoñ ne jis kī hurmat

na kyuuñ ho sādiq ye qaul haq kā ki yaar mujh meñ maiñ yaar meñ huuñ

kiyā jab apne se husn paidā to 'ishq phir ho ki us pe shaidā

yahī tarāna hamesha gaayā ki yaar mujh meñ maiñ yaar meñ huuñ

vo lā-ta'ayyunn liye ta'ayyun maqām-e-'uryāñ se ho ke zāhar

'asad' se kahtā hai ab tū dekhā ki yaar mujh meñ maiñ yaar meñ huuñ

suKHan hai baatil jo tu ne samjha ki yar mujh mein main yar mein hun

ki KHalq us se hai saf paida ki yar mujh mein main yar mein hun

na shaiKH hargiz kabhi kahega ki tu hai us mein wo tujh mein

hai kufr wahdat mein kahna aisa ki yar mujh mein main yar mein hun

is harf-e-ghairat ko kab miTaya ye parda tu ne kahan uThaya

dui to KHud hai ye tera kahna ki yar mujh mein main yar mein hun

kamal apna fana mein jaano ye nukta haq hai tum is ko mano

kabhi na karna tasawwur aisa ki yar mujh mein main yar mein hun

thi 'ain surat ki ye bhi surat ki ki farishton ne jis ki hurmat

na kyun ho sadiq ye qaul haq ka ki yar mujh mein main yar mein hun

kiya jab apne se husn paida to 'ishq phir ho ki us pe shaida

yahi tarana hamesha gaya ki yar mujh mein main yar mein hun

wo la-ta'ayyunn liye ta'ayyun maqam-e-'uryan se ho ke zahar

'asad' se kahta hai ab tu dekha ki yar mujh mein main yar mein hun