hum shikwa karna kya jaanen hum naz uThane wale hain
hum shikwa karna kya jaanen hum naz uThane wale hain
Khadim Hassan Ajmeri
MORE BYKhadim Hassan Ajmeri
ham shikva karnā kyā jāneñ ham naaz uThāne vaale haiñ
har naaz pe qurbāñ ho ho kar hastī ko miTāne vaale haiñ
vo maz.hab-o-millat kyā jāneñ vo dair-o-haram ko kyā māneñ
jo naqsh-e-qadam har jānāñ ke sar apnā jhukāne vaale haiñ
kyuuñ aur ke dar par sar rakh kar mā’rūza apnā pesh karūñ
jab kHvāja-e-’ālam ajmerī har kaam banāne vaale haiñ
bichhtī hai ḳhudā.ī ai ḳhādim in dīvānoñ kī rāhoñ meñ
jo rāh-e-mohabbat meñ apnī āñkhoñ ko bichhāne vaale haiñ
ādāb-e-mohabbat kahte haiñ yuuñ chashm-e-tamannā se ḳhādim
jhuk jaa.e nazar sajde ke liye vo jalva dikhāne vaale haiñ
hum shikwa karna kya jaanen hum naz uThane wale hain
har naz pe qurban ho ho kar hasti ko miTane wale hain
wo mazhab-o-millat kya jaanen wo dair-o-haram ko kya manen
jo naqsh-e-qadam har jaanan ke sar apna jhukane wale hain
kyun aur ke dar par sar rakh kar ma’ruza apna pesh karun
jab kHwaja-e-’alam ajmeri har kaam banane wale hain
bichhti hai KHudai ai KHadim in diwanon ki rahon mein
jo rah-e-mohabbat mein apni aankhon ko bichhane wale hain
aadab-e-mohabbat kahte hain yun chashm-e-tamanna se KHadim
jhuk jae nazar sajde ke liye wo jalwa dikhane wale hain
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
