sharminda kar rahi hai meri har KHata mujhe

sharminda kar rahī hai mirī har ḳhatā mujhe

taskīn de rahā hai karam aap kā mujhe

maiñ haq-e-bandagī na adā kar sakā kabhī

lekin tire karam ne navāzā sadā mujhe

dhabba na lagne paa.e ġhulāmī ke daaġh meñ

qurbān yaar hone de shauq-e-vafā mujhe

donoñ jahāñ meñ jab na rahā koī aasrā

le aa yā tere qadmoñ meñ baḳht-e-rasā mujhe

ehsāñ vo kaun sā hai jo tū ne nahīñ kiyā

tujh sā shafīq mil na sakā dosrā mujhe

'ḳhādim' maiñ un ke naqsh-e-qadam par rahūñ nisār

kHāk-e-sanam jo banā de ḳhudā mujhe

sharminda kar rahi hai meri har KHata mujhe

taskin de raha hai karam aap ka mujhe

main haq-e-bandagi na ada kar saka kabhi

lekin tere karam ne nawaza sada mujhe

dhabba na lagne pae ghulami ke dagh mein

qurban yar hone de shauq-e-wafa mujhe

donon jahan mein jab na raha koi aasra

le aa ya tere qadmon mein baKHt-e-rasa mujhe

ehsan wo kaun sa hai jo tu ne nahin kiya

tujh sa shafiq mil na saka dosra mujhe

'KHadim' main un ke naqsh-e-qadam par rahun nisar

kHak-e-sanam jo bana de KHuda mujhe