Sufinama

teri mahfil mein teri hi mohabbat khinch lai hai

Zaheen Shah Taji

teri mahfil mein teri hi mohabbat khinch lai hai

Zaheen Shah Taji

MORE BYZaheen Shah Taji

    tarī mahfil meñ terī mohabbat khīñch laa.ī hai

    mirā zauq-e-nazar terā shauq-e-ḳhud-numā.ī hai

    tajallī se kabhī dil tasallī ho nahīñ saktī

    kahāñ ye aañkh manūs-e-hijābāt-e-ziyā.ī hai

    mohabbat se har ik shai meñ hue āsār-e-shai paidā

    mohabbat ḳhudā.ī hai mohabbat ḳhudā.ī hai

    ḳhudā yaad aa rahā hai husn-e-īmāñ soz-e-sāqī se

    kamāl-e-pārsā.ī aaj tark-e-pārsā.ī hai

    bahāreñ farsh ho ho kar bichhī jaatī haiñ gulshan meñ

    urūs-e-subh-e-gul ho kar javānī muskurā.ī hai

    'zahīn' is dahr meñ hai madd-o-jazr-e-zindagi us se

    mohabbat sāz-e-dil par jin suroñ se gungunā.ī hai

    tari mahfil mein teri hi mohabbat khinch lai hai

    mera zauq-e-nazar tera hi shauq-e-KHud-numai hai

    tajalli se kabhi dil ki tasalli ho nahin sakti

    kahan ye aankh manus-e-hijabaat-e-ziyai hai

    mohabbat se har ek shai mein hue aasar-e-shai paida

    mohabbat ki KHudai hai mohabbat hi KHudai hai

    KHuda yaad aa raha hai husn-e-iman soz-e-saqi se

    kamal-e-parsai aaj tark-e-parsai hai

    bahaaren farsh ho ho kar bichhi jati hain gulshan mein

    urus-e-subh-e-gul ho kar jawani muskurai hai

    'zahin' is dahr mein hai madd-o-jazr-e-zindagi us se

    mohabbat saz-e-dil par jin suron se gungunai hai

    Source :
    • Book : Aayat-e-Jamaal (Pg. 199)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY