kuchh is ada se aaj wo pahlu-nashin rahe

kuchh is adā se aaj vo pahlū-nashīñ rahe

jab tak hamāre paas rahe ham nahīñ rahe

īmān-o-kufr aur na duniyā-o-dīñ rahe

ai ishaq shaad baash ki tanhā hamīñ rahe

aalam jab ek haal pe qaa.em nahīñ rahe

kyā ḳhaak etibār-e-nigāh-e-yaqīn rahe

merī zabāñ pe shikva-e-dard-āfrīñ rahe

shāyad mire havās Thikāne nahīñ rahe

jab tak ilāhī jism meñ jān-e-hazīñ rahe

nazreñ mirī javāñ raheñ dil hasīñ rahe

yārab kisī ke rāz-e-mohabbat kī ḳhair ho

dast-e-junūñ rahe na rahe āstīñ rahe

tā-chand josh-e-ishq meñ dil kī hifāzateñ

merī balā se ab vo junūnī kahīñ rahe

jā aur koī zabt kī duniyā talāsh kar

ai ishaq ham to ab tire qābil nahīñ rahe

mujh ko nahīñ qabūl do-ālam kī vus.ateñ

qismat meñ kū-e-yār kī vo gar zamīñ rahe

ai ishq-e-nālā-kash terī ġhairat ko kyā huā

hai hai araq vo tan-e-nāznīñ rahe

dard-o-ġham-e-firāq ke ye saḳht marhale

hairāñ huuñ maiñ ki phir bhī tum itne hasīñ rahe

allāh-rī chashm-e-yār kī mojiz-bayāniyāñ

har ek ko hai gumāñ ki muḳhātab hamīñ rahe

zālim uThā tū parda-e-vahm-o-gumān-o-fikr

kyā sāmne vo marhala-hā-e-yaqīñ rahe

zāt-o-sifāt jis kā aalam nazar meñ hai

mahdūd-e-sajda kyā mirā zauq-e-jabīñ rahe

kis dard se kisī ne kahā aaj bazm meñ

achchhā ye hai vo nañg-e-mohabbat yahīñ rahe

sar-dādgān-e-ishq-o-mohabbat kī kyā kamī

qātil kī teġh-e-tez ḳhudā kī zamīñ rahe

is ishaq kī talāfī-e-māfāt dekhnā

rone kī hasrateñ haiñ jab aañsū nahīñ rahe

kuchh is ada se aaj wo pahlu-nashin rahe

jab tak hamare pas rahe hum nahin rahe

iman-o-kufr aur na duniya-o-din rahe

ai ishaq shad bash ki tanha hamin rahe

aalam jab ek haal pe qaem nahin rahe

kya KHak etibar-e-nigah-e-yaqin rahe

meri zaban pe shikwa-e-dard-afrin rahe

shayad mere hawas Thikane nahin rahe

jab tak ilahi jism mein jaan-e-hazin rahe

nazren meri jawan rahen dil hasin rahe

yarab kisi ke raaz-e-mohabbat ki KHair ho

dast-e-junun rahe na rahe aastin rahe

ta-chand josh-e-ishq mein dil ki hifazaten

meri bala se ab wo jununi kahin rahe

ja aur koi zabt ki duniyā talash kar

ai ishaq hum to ab tere qabil nahin rahe

mujh ko nahin qabul do-alam ki wusaten

qismat mein ku-e-yar ki wo gar zamin rahe

ai ishq-e-nala-kash teri ghairat ko kya hua

hai hai araq wo tan-e-naznin rahe

dard-o-gham-e-firaq ke ye saKHt marhale

hairan hun main ki phir bhi tum itne hasin rahe

allah-ri chashm-e-yar ki mojiz-bayaniyan

har ek ko hai guman ki muKHatab hamin rahe

zalim uTha tu parda-e-wahm-o-guman-o-fikr

kya samne wo marhala-ha-e-yaqin rahe

zat-o-sifat jis ka aalam nazar mein hai

mahdud-e-sajda kya mera zauq-e-jabin rahe

kis dard se kisi ne kaha aaj bazm mein

achchha ye hai wo nang-e-mohabbat yahin rahe

sar-dadgan-e-ishq-o-mohabbat ki kya kami

qatil ki tegh-e-tez KHuda ki zamin rahe

is ishaq ki talafi-e-mafat dekhna

rone ki hasraten hain jab aansu nahin rahe