yaro mujhe muaf rakho main nashe mein hun
yaaro mujhe mu'āf rakho maiñ nashe meñ huuñ
ab do to jaam ḳhālī hī do maiñ nashe meñ huuñ
ek-ek qurt duur meñ yuuñ hī mujhe bhī do
jām-e-sharāb pur na karo maiñ nashe meñ huuñ
mastī se darhamī hai mirī guftugū ke biich
jo chāho tum bhī mujh ko kaho maiñ nashe meñ huuñ
yā hāthoñ-hāth lo mujhe mānind-e-jām-e-mai
yā thoḌī duur saath chalo maiñ nashe meñ huuñ
mā'zūr hoñ jo paañv mirā be-tarah paḌe
tum sargarāñ to mujh se na ho maiñ nashe meñ huuñ
bhāgī namāz-e-juma’ to jaatī nahīñ hai kuchh
chaltā huuñ maiñ bhī Tuk to raho maiñ nashe meñ huuñ
nāzuk-mizāj aap qayāmat haiñ 'mīr' jī
joñ shīsha mere muñh na lago maiñ nashe meñ huuñ
yaro mujhe mu'af rakho main nashe mein hun
ab do to jam KHali hi do main nashe mein hun
ek-ek qurt dur mein yun hi mujhe bhi do
jam-e-sharab pur na karo main nashe mein hun
masti se darhami hai meri guftugu ke bich
jo chaho tum bhi mujh ko kaho main nashe mein hun
ya hathon-hath lo mujhe manind-e-jam-e-mai
ya thoDi dur sath chalo main nashe mein hun
ma'zur hon jo panw mera be-tarah paDe
tum sargaran to mujh se na ho main nashe mein hun
bhagi namaz-e-juma’ to jati nahin hai kuchh
chalta hun main bhi Tuk to raho main nashe mein hun
nazuk-mizaj aap qayamat hain 'mir' ji
jon shisha mere munh na lago main nashe mein hun
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
