unki aankhon se masti barasti rahe hosh uDte rahen daur chalta rahe
un kī āñkhoñ se mastī barastī rahe hosh uḌte raheñ daur chaltā rahe
raqs-e-tauba kare jām-e-dil aur mah-e-riñd piite raheñ shaiḳh jaltā rahe
'ishq meñ zindagī kā maza hai yahī 'āshiq-e-zār pahlū badaltā rahe
yūñhī ghaḌiyāñ shab-e-ġham kī kaTtī raheñ yaad aate raho dil bahaltā rahe
zindagī hai hamārī tumhārā karam tum raho mehrbāñ to nahīñ koī ġham
ham se badlo na tum tum se badleñ na ham roz chāhe zamāna badaltā rahe
tum mire sāmne aao to is tarh terā parda rahe mujh ko dīdār ho
aap ban-Than ke chilman meñ baiThā kareñ husn chhan-chhan ke bāhar nikaltā rahe
baa'd muddat ke uTThī hai kaalī ghaTā mai-kashoñ ko pilā aur paiham pilā
mai-kada terā saaqī salāmat rahe aaj to jaam par jaam chaltā rahe
un ki aankhon se masti barasti rahe hosh uDte rahen daur chalta rahe
raqs-e-tauba kare jam-e-dil aur mah-e-rind pite rahen shaiKH jalta rahe
'ishq mein zindagi ka maza hai yahi 'ashiq-e-zar pahlu badalta rahe
yunhi ghaDiyan shab-e-gham ki kaTti rahen yaad aate raho dil bahalta rahe
zindagi hai hamari tumhaara karam tum raho mehrban to nahin koi gham
hum se badlo na tum tum se badlen na hum roz chahe zamana badalta rahe
tum mere samne aao to is tarh tera parda rahe mujh ko didar ho
aap ban-Than ke chilman mein baiTha karen husn chhan-chhan ke bahar nikalta rahe
ba'd muddat ke uTThi hai kali ghaTa mai-kashon ko pila aur paiham pila
mai-kada tera saqi salamat rahe aaj to jam par jam chalta rahe
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
