tu dost kasu ka bhi sitamgar na hua tha

tū dost kasū kā bhī sitamgar na huā thā

auroñ pe hai vo zulm ki mujh par na huā thā

chhoḌā mah-e-naḳhshab kī dast-e-qazā ne

ḳhurshīd hunūz us ke barābar na huā thā

taufīq ba-andāza-e-himmat hai azal se

āñkhoñ meñ hai vo qatra ki gauhar na huā thā

jab tak ki na dekhā thā qad-e-yār kā 'ālam

maiñ mo'taqid-e-fitna-e-mahshar na huā thā

maiñ sāda-dil āzurdagi-e-yār se ḳhush huuñ

yā'nī sabaq-e-shauq mukarrar na huā thā

dariyā-e-ma'āsī tunuk-ābī ḳhushk huā ḳhushk

merā sar-e-dāman bhī abhī tar na huā thā

jaarī thī 'asad' dāġh-e-jigar se mirī tahsīl

ātish-kada jāgīr-e-samundar na huā thā

tu dost kasu ka bhi sitamgar na hua tha

auron pe hai wo zulm ki mujh par na hua tha

chhoDa mah-e-naKHshab ki dast-e-qaza ne

KHurshid hunuz us ke barabar na hua tha

taufiq ba-andaza-e-himmat hai azal se

aankhon mein hai wo qatra ki gauhar na hua tha

jab tak ki na dekha tha qad-e-yar ka 'alam

main mo'taqid-e-fitna-e-mahshar na hua tha

main sada-dil aazurdagi-e-yar se KHush hun

ya'ni sabaq-e-shauq mukarrar na hua tha

dariya-e-ma'asi tunuk-abi KHushk hua KHushk

mera sar-e-daman bhi abhi tar na hua tha

jari thi 'asad' dagh-e-jigar se meri tahsil

aatish-kada jagir-e-samundar na hua tha