Tuk sath ho hasrat dil-e-marhum se nikle
Tuk sath ho hasrat dil-e-marhum se nikle
Mirza Muhammad Ali Fidvi
MORE BYMirza Muhammad Ali Fidvi
Tuk saath ho hasrat dil-e-marhūm se nikle
'āshiq kā janāza hai zarā dhuum se nikle
qurbān-e-fanā ek tajallī-e-terī hue
zulmat-kada-e-hastī-e-mauhūm se nikle
kūche meñ ga.e the mutavaqqe’ tire jo ho
muñh Daale garebān meñ mahrūm se nikle
o dushman-e-insāf ḳhushī kaun sī tum ko
ġham bin tire kyuuñ kar dil-e-maġhmūm se nikle
kyuuñ nau-ḳhatoñ kī kHār-e-qalam lau meñ hai 'fidvī'
kyā shahr yahī hai kaho mazlūm se nikle
Tuk sath ho hasrat dil-e-marhum se nikle
'ashiq ka janaza hai zara dhum se nikle
qurban-e-fana ek tajalli-e-teri hue
zulmat-kada-e-hasti-e-mauhum se nikle
kuche mein gae the mutawaqqe’ tere jo ho
munh Dale gareban mein mahrum se nikle
o dushman-e-insaf KHushi kaun si tum ko
gham bin tere kyun kar dil-e-maghmum se nikle
kyun nau-KHaton ki kHar-e-qalam lau mein hai 'fidwi'
kya shahr yahi hai kaho mazlum se nikle
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
