tum jaano tumko ghair se jo rasm-o-rah ho

tum jaano tum ko ġhair se jo rasm-o-rāh ho

mujh ko bhī pūchhte raho to kyā gunāh ho

bachte nahīñ muvāḳhaza-e-roz-e-hashr se

qātil agar raqīb hai to tum gavāh ho

kyā vo bhī be-gunah-kush-o-haq-nā-shanāsh haiñ

maanā ki tum bashar nahīñ ḳhurshīd-o-māh ho

ubhrā huā naqāb meñ hai un ke ek taar

martā huuñ maiñ ki ye na kisī kī nigāh ho

jab mai-kada chhuTā to phir ab kyā jagah kī qaid

masjid ho madrasa ho koī ḳhānqāh ho

sunte haiñ jo bahisht kī tā'rīf sab durust

lekin ḳhudā kare vo tirā jalva-gāh ho

'ġhālib' bhī gar na ho to kuchh aisā zarar nahīñ

duniyā ho yā rab aur mirā bādshāh ho

tum jaano tum ko ghair se jo rasm-o-rah ho

mujh ko bhi puchhte raho to kya gunah ho

bachte nahin muwaKHaza-e-roz-e-hashr se

qatil agar raqib hai to tum gawah ho

kya wo bhi be-gunah-kush-o-haq-na-shanash hain

mana ki tum bashar nahin KHurshid-o-mah ho

ubhra hua naqab mein hai un ke ek tar

marta hun main ki ye na kisi ki nigah ho

jab mai-kada chhuTa to phir ab kya jagah ki qaid

masjid ho madrasa ho koi KHanqah ho

sunte hain jo bahisht ki ta'rif sab durust

lekin KHuda kare wo tera jalwa-gah ho

'ghaalib' bhi gar na ho to kuchh aisa zarar nahin

duniya ho ya rab aur mera baadshah ho