tu ne ye kya ghazab kiya zabt se kaam le liya

tū ne ye kyā ġhazab kiyā zabt se kaam le liyā

tark-e-vafā ke ba.ad bhī merā salām le liyā

rind-e-ḳharāb-nosh kī bāda-kashī to dekhiye

niyyat-e-mai-kashī na kī haath meñ jaam le liyā

nāma-e-shauq paḌh ke vo kho ga.e yak-ba-yak 'shakīl'

muñh se to kuchh kahā nahīñ dil se payām le liyā

tu ne ye kya ghazab kiya zabt se kaam le liya

tark-e-wafa ke baad bhi mera salam le liya

rind-e-KHarab-nosh ki baada-kashi to dekhiye

niyyat-e-mai-kashi na ki hath mein jam le liya

nama-e-shauq paDh ke wo kho gae yak-ba-yak 'shakil'

munh se to kuchh kaha nahin dil se payam le liya