satao hum ko na tum par nisar hum bhi hain

satāo ham ko na tum par nisār ham bhī haiñ

nigāh-e-lutf ke umīd-vār ham bhī haiñ

jo dil ke zaḳhmoñ ko dikhlāyā bulbul-e-nāshād

to gul ye kahte haiñ sīna-figār ham bhī haiñ

baġhair bosa liye dil na deñge yaad rahe

ki chaal baaz ho tum hoshiyār ham bhī haiñ

ham un se dab ke mileñge kabhī na ai 'āsif'

vo shāh-e-husn sahī shahryār ham bhī haiñ

satao hum ko na tum par nisar hum bhi hain

nigah-e-lutf ke umid-war hum bhi hain

jo dil ke zaKHmon ko dikhlaya bulbul-e-nashad

to gul ye kahte hain sina-figar hum bhi hain

baghair bosa liye dil na denge yaad rahe

ki chaal baz ho tum hoshiyar hum bhi hain

hum un se dab ke milenge kabhi na ai 'asif'

wo shah-e-husn sahi shahryar hum bhi hain