husn jab tamassul ki jaanib tegh-e-burran le chala

husn jab tamassul kī jānib teġh-e-burrāñ le chalā

'ishq apne mujrmoñ ko pā-ba-jaulāñ le chalā

bismiloñ ko zaḳhm zaḳhmoñ ko mubārak lazzateñ

sū-e-maqtal phir koī teġh-o-namak-dāñ le chalā

chhuT gayā dāman kaleja thaam kar ham rah ga.e

le chalā dil chhīn kar vo dushman-e-jāñ le chalā

mere ghar tak paañv pakḌā un ko laayā thā nayā

nāz-e-dāman khīñchtā sū-e-raqībāñ le chalā

uf rī matvālī javānī kuchh ḳhabar tujh ko nahīñ

sāġhar-e-mai bosa-e-lab-hā-e-jānañ le chalā

bahr naat nāvik afgan āfrīñ sad āfrīñ

dil kā dil zaḳhmī kiyā paikāñ kā paikāñ le chalā

dil ko jānāñ se 'hasan' samjhā bujhā kar laa.e the

dil hameñ samjhā bujhā kar sū-e-jānāñ le chalā

husn jab tamassul ki jaanib tegh-e-burran le chala

'ishq apne mujrmon ko pa-ba-jaulan le chala

bismilon ko zaKHm zaKHmon ko mubarak lazzaten

su-e-maqtal phir koi tegh-o-namak-dan le chala

chhuT gaya daman kaleja tham kar hum rah gae

le chala dil chhin kar wo dushman-e-jaan le chala

mere ghar tak panw pakDa un ko laya tha naya

naz-e-daman khinchta su-e-raqiban le chala

uf ri matwali jawani kuchh KHabar tujh ko nahin

saghar-e-mai bosa-e-lab-ha-e-jaanan le chala

bahr nat nawik afgan aafrin sad aafrin

dil ka dil zaKHmi kiya paikan ka paikan le chala

dil ko jaanan se 'hasan' samjha bujha kar lae the

dil hamein samjha bujha kar su-e-jaanan le chala