tum KHafa ho hum gale se lagae kaun

tum ḳhafā ho ham gale se lagā.e kaun

farmā.iye to dil kī lagī bujhā.e kaun

vo naaz se zamīñ par rakhte nahīñ qadam

qahar-e-shahīd-e-nāz ko Thokar lagā.e kaun

'āshiq samajh ke karte haiñ nāzuk mizājiyāñ

jo ham na hoñ to tumhāre naaz uThā.e kaun

shām-e-shab-e-firāq meñ bas ham to mar chuke

sub.h-e-shab-e-visāl kī naubat bajā.e kaun

tum KHafa ho hum gale se lagae kaun

farmaiye to dil ki lagi bujhae kaun

wo naz se zamin par rakhte nahin qadam

qahar-e-shahid-e-naz ko Thokar lagae kaun

'ashiq samajh ke karte hain nazuk mizajiyan

jo hum na hon to tumhaare naz uThae kaun

sham-e-shab-e-firaq mein bas hum to mar chuke

subh-e-shab-e-visal ki naubat bajae kaun