sar mein sauda kis ne zulf-e-mu’ambar rakh diya

sar meñ saudā kis ne zulf-e-mu’ambar rakh diyā

kyā hai bojh tū ne kaisā mujh par rakh diyā

muntazir huuñ maiñ qayāmat kā ilāhī bhej de

aaj vā’da-e-vasl kā us but ne kal par rakh diyā

kyā gumāñ thā mere jī uThne kā bā’d-e-marg bhī

kyuuñ dobāra halq par zālim ne ḳhanjar rakh diyā

zulm se tauba na kar terī jafā meñ lutf hai

naam kyā jaane terā kis ne sitamgar rakh diyā

baa'd murdan mil chukā hamdam Thikānā gor nā kā

vahshiyoñ ne ḳhaak ko merī huā par rakh diyā

gar rukāvaT kuchh na thī dil meñ mere jallād ke

kyuuñ uThā kar haath se zālim ne ḳhanjar rakh diyā

dekh kar vo mast-e-chashm-e-nāz saaqī haath se

maiñ ne miinā rakh diyā miinā ne sāġhar rakh diyā

sar mein sauda kis ne zulf-e-mu’ambar rakh diya

kya hai bojh tu ne kaisa mujh par rakh diya

muntazir hun main qayamat ka ilahi bhej de

aaj wa’da-e-wasl ka us but ne kal par rakh diya

kya guman tha mere ji uThne ka ba’d-e-marg bhi

kyun dobara halq par zalim ne KHanjar rakh diya

zulm se tauba na kar teri jafa mein lutf hai

nam kya jaane tera kis ne sitamgar rakh diya

ba'd murdan mil chuka hamdam Thikana gor na ka

wahshiyon ne KHak ko meri hua par rakh diya

gar rukawaT kuchh na thi dil mein mere jallad ke

kyun uTha kar hath se zalim ne KHanjar rakh diya

dekh kar wo mast-e-chashm-e-naz saqi hath se

main ne mina rakh diya mina ne saghar rakh diya