kuchh aap hi aap wahshat mein dil diwana aata hai

kuchh aap hī aap vahshat meñ dil dīvāna aatā hai

mujhe jis dam ḳhayāl-e-nargis-e-mastāna aatā hai

lagāvaT mujh se va'ada ġhair se jaanā kisī ke ghar

but-e-yār ko dekho to kyā raana aatā hai

banā kar to vo ġham kiije sitam-rānī

ye dil phir aap kī jānib ko mushtāqāna aatā hai

raqīb-e-rū-siyah se bhī to bigḌo zulf kī sūrat

agar tum ko mirī jaañ nāz-e-mā'shūqāna aatā hai

ḳhud-rā.ī-e-shab-e-vasl balā-e-jān 'āshiq hai

sahar kar dete haiñ vo haath meñ jab shaah aatā hai

parī-zād do jagah 'asġhar' ko denā apne pahlū meñ

vo mahfil meñ tumhārī aaj be-tābāna aatā hai

kuchh aap hi aap wahshat mein dil diwana aata hai

mujhe jis dam KHayal-e-nargis-e-mastana aata hai

lagawaT mujh se wa'ada ghair se jaana kisi ke ghar

but-e-yar ko dekho to kya rana aata hai

bana kar to wo gham kije sitam-rani

ye dil phir aap ki jaanib ko mushtaqana aata hai

raqib-e-ru-siyah se bhi to bigDo zulf ki surat

agar tum ko meri jaan naz-e-ma'shuqana aata hai

KHud-rai-e-shab-e-wasl bala-e-jaan 'ashiq hai

sahar kar dete hain wo hath mein jab shah aata hai

pari-zad do jagah 'asghar' ko dena apne pahlu mein

wo mahfil mein tumhaari aaj be-tabana aata hai