masih ban ke koi mojiza dikha dena

masīh ban ke koī mo'jiza dikhā denā

jigar kā dard ho kam jis se vo davā denā

firāq-e-yār meñ lazzat nahīñ hai jiine kī

pilā ke zahr mujhe shaam se sulā denā

fātiha ko jo aa.e kahā ye shoḳhī ne

charāġh-e-qabr zarā haath se bujhā denā

nahīñ hai ulfat maqām-e-āsā.ish

ye baat hazrat-e-'ishrat ko bhī sunā denā

masih ban ke koi mo'jiza dikha dena

jigar ka dard ho kam jis se wo dawa dena

firaq-e-yar mein lazzat nahin hai jine ki

pila ke zahr mujhe sham se sula dena

fatiha ko jo aae kaha ye shoKHi ne

charagh-e-qabr zara hath se bujha dena

nahin hai ulfat maqam-e-asaish

ye baat hazrat-e-'ishrat ko bhi suna dena